小人物的Live, Laugh, Love

好耐之前，有朋友係香港帶咗一盒珍妮熊仔曲奇俾我，我就愛上咗咖啡牛油曲奇。之後不停去搵食譜試吓自己整，都試過好多伏嘅recipe, 例如，焗完啲花紋唔見晒，牛油味太重，太油淋淋，太鬆太散但無我喜歡嘅又鬆又脆。呢一個recipe 唔係好似Jenny's cookie 咁鬆散，但佢都好香濃，又鬆又脆又牛油味唔過重，算係我試過咁多個recipe最適合我口味，仲有，佢啲花紋係唔會走嘅，焗完都係咁靚。 材料： [做到20塊] 牛油 (室溫放軟） 150g 糖霜 65g 高筋麵粉 62g 低筋麵粉 112g 鷹粟粉 25g 杏仁粉 20g 咖啡液 ( 咖啡粉 10g + 熱水 10g) 牛奶 (optional) 1 tbsp - 1.5 tbsp 做法： (1) 牛油切細塊放係室溫放軟。 (2) 將高筋麵粉，低筋麵粉同埋鷹粟粉混合備用。 (3) 預備咖啡液，如果覺得仲有結塊，可以放入微波爐叮20秒。放涼備用。 (4) 待牛油軟化後 (手指容易壓下），用mixer 開高速打到變淺黃色 (1, 2分鐘即可），加入糖霜，先用spatula 拌勻以防飛粉，再用mixer 開高速打到有少許膨脹，更淺嘅淡黃色即可。約1,2分鐘。 (5) 加入咖啡液，用mixer 拌勻即可。 (6) 加入其餘粉類，用mixer 慢速拌勻，之後用spatula 輕輕壓，等麵團吸收好牛油。如果覺得稍乾，加入少少牛奶 (我今日加咗1.5 tbsp 牛奶）拌勻。 (7) 預熱焗爐285F。 (8) 放入唧花袋，我係用10角唧花咀唧2.5層。 我建議Tinry 老師嘅 牛油曲奇唧花教學 ，我學到好多不同嘅花款同技巧。 (8) 焗40分鐘。之後移上架放涼。 我上面加一粒朱古力粒係optional 嘅，我整俾老公嘅西人同事，所以糖分我多加15g,再加多粒朱古力懶靚😅😅，同埋可以甜少少。如果俾亞洲人食我絕對唔會加。🤩

話說買咗個kitchenaid, deliver 去我老公間公司。佢啲同事就見到，就講笑話：「你老婆玩baking呀？我哋唔介意做白老鼠喎！ 」而我老公呢間公司啲同事都對佢幾好，所以咪諗住整啲野回饋吓佢哋囉！ 我之前整過啲牛油唧花曲奇，西人好似唔係好鍾意，所以今次揀咗個西方嘅食譜 - BrianCusine.com 嘅 濃縮咖啡杏仁酥餅 (無蛋配方)  再改少少。好邪惡，但好好食，好有層次，好濃郁, 會停唔到口。🤤🤤🤤🤤🤤 材料： 杏仁粉：120g All Purpose flour：120g Baking soda：1/2茶匙 鹽：1/4茶匙 紅糖：75g 二號黃砂糖：25g 融化無鹽奶油：120g (1stick) 濃縮咖啡：50g (Nespresso Altissio) Pecan：80g 步驟： (1) 預熱焗爐370F. (2)  用Nespresso 整一杯咖啡, 放涼。 (3) 將pecans 放入焗爐焗5分鐘至脆身，然後移出焗爐放涼。 (4) 溶牛油 ➡️ 我放入焗爐至完全溶化，再移出焗爐，放涼。 (5) 將紅糖同二號砂糖混合分散，直到無糖痴埋一舊。 (6) 將麵粉，杏仁粉及baking soda 混合，然後將（5) 倒入，輕輕攪拌只全部混合。 (7) 加入牛油，拌勻。唔好過份攪拌，怕會起筋就唔脆。 (8) 加入pecans, 輕輕拌勻。 (9) 用25cm 嘅曲奇scoop 去幫咗成型，再用杯底稍為壓平。呢個份量做到20個，曲奇之間要有距離， 因為會spread 開。 (10) 370F x 15分鐘。 (11) 放涼起碼30分鐘先好食。 筆記： (1) 今次我無全用晒紅糖，一來貴，二來想試下加少少黃糖係點，又ok 喎！  (2) 原食譜有加橙皮碎，我無橙，所以無加。但下次我會加，想有多啲層次感。 (3) 下次真係試用double expresso, 覺得咖啡味會更出。 (4) 本來我整過一杯espresso 係有加雲呢拿extract, 但我無用，因為搶晒啲咖啡味。 (5) 啲cookies 一定要放涼 (一定要全涼）先會脆！！！仲有之後要放入密實袋防潮。 第二日更好食。🤩🤩 多謝Brian 老師！❤️❤️❤️

做呢款麵包之前我係做咗一個香蔥火腿吐司，都係用冰種法。個麵團發得靚架，雖然唔係perfert, 但衰係「貪心」！ 落得太多料，太濕！ 中間好似無麵包咁，好soggy, 仲有應該未熟或隻熟唔到 (但焗咗40分鐘）。個包外圍係好食嘅，好軟熟，有拉絲，仲有好香麥味，但就係因為我貪心，成個麵包都衰咗😰。 好 似好靚，但入面係水汪汪，啲料好似山泥傾瀉咁衝出黎。正所謂，「貪字得個貧係無好結果嘅」😅 但我要再接再厲，因為之前個包皮好食嘛。。。咁我諗，呢個recipe 應該唔錯，今次唔貪心，做個基本嘅，唔好搞咁多野啦。 「冰種法/液種法」 我真係第一次做，我係覺得用湯種我暫時都唔係好駕馭到，不如試下其他法啦。我睇咗好多youtube videos, 最後揀肥丁手工房嘅recipe -  冰種麵包 ， 之後自己再改少少就做出呢個意式番茄土司。做冰種係易過做湯種，唔洗煮，撈埋就得。整好一兜，可以做兩條土司。不過要16小時-24小時整好。 冰種成份： (可以做到兩條吐司） 水 (室溫）150ml 高筋麵粉  150g (我用all purpose) 速發酵母   1tsp 蜂蜜          1 tbsp 1000ml 大容器 或ziplock bag 一個 將所有材料混合到無明顯粉粒就得。加蓋。先放係室溫30分鐘，再放係雪櫃，16-24小時後就用得。 24小時之後⬇️ 本來無咁塌，但我撩咗幾下，啲空氣走咗出黎就變成咁，用攞咗一半出黎再擺係雪櫃，第二日又會升高，好得意！ 主麵團 ： (A) 高筋麵粉 250g (我用all purpose flour)  冰種麵團 105g Cream     145g 蜂蜜         20g 茄膏         25g 蒜粉         1tsp  意大利mixed herbs 1tsp (B) 速發酵母 1tsp (C) 鹽 2g ...

繼上次因為Amazon Prime Day 有50% off 買咗個Kitchenaid Artisan 之後，我試過幾次，都失敗。部機好快熱 (好熱），仲有條bread dough hook去唔到好低，個麵團時日都痴係個底度。要成30幾分鐘先打到個麵團有薄膜，但部機已經好熱好熱。於是上youtube 睇，好多人整麵包都係用Professional 600, 個watt 數係525 (Artisan 係375), 會夠力好多，仲有個dough hook 係spiral 狀，又距離個mixing bowl 底近好多。 於是我去Amazon 退咗部Artisan, 襯佢仲做緊特價買部Artisan, 好彩個差價只係要$100.  部機好靚仔，係我鍾意嘅暗紅色，仲要唔係metallic!!! 係glossy 架！！！ 即刻試機，就決定做一個大少少嘅麵團。 呢個recipe 係網上搵嘅，係 琳達公主的廚房筆記嘅 試做「麵包職人的烘焙廚房」的優格蜂蜜吐司 ，我變化咗少少，我加咗110g湯種。我始終都對加湯種情有獨鍾。 Part A-- 高筋麵粉  500g 二號砂糖 50g 全蛋  50G  ( 一隻） 無味Greek Yogurt 90g 蜂蜜 (clover honey) 20g 牛奶 100g ( 我今日用Eden豆奶） 水 100g 湯種  110g Part B-- 速發乾酵母 5g (1tsp 多少少） Part C-- 鹽 9g (我求其😅） Part D-- 無鹽奶油 60g (切細粒） Linda 好好，每個步驟寫得好詳細，就連打幾多分鐘都寫埋出黎，佢都係用kitchenaid, 所以我覺得跟佢嘅步驟無死嘅。😂 而今次係我第一次用Autolyse (水合法），我覺得好好喎！ 當我將Part A 嘅材料用spatula混合完之後，個麵團濕到不得了，係一pat 野咁。➡️ 點知靜止咗30分鐘之後，個麵團好似海綿咁，嗦晒啲水。 ⬆️加左酵母2度打2分鐘就變一團，個碗邊好乾淨，個麵團摸上手濕潤，唔痴手，軟諗諗！😍😍 之後加鹽2度打四分鐘，部Kitchenaid Professional 600 真係做到 「摔打」嘅...

第一次做西湯, 效果蠻不錯. 這個湯也蠻容易做, 把所有材料略切, 隨便切就可以, 反正最後用Food Processor攪碎! 其實可以不加酥皮都蠻好喝, 很濃郁的蘑菇味, 配上Toast來吃, 一絕! 但加上酥皮, 特別香!!!!      準備時間: 10 分鐘 烹調時間: 20 分鐘  + 烤10 分鐘 份量 : 4碗 材料: 牛油 20g 大蔥 (leek) 2 塊 (只要白色部份) 切條狀 蒜蓉 2tbsp 白酒 1/2 cup 白蘑菇 375g (約15-18粒) 切一半  啡 蘑菇 200g (約12-15粒) 切一半 大洋蔥 1個  無鹽100%天然雞湯 4 cup Bay 葉 2 塊 忌廉 1/3 cup  鹹味酥皮 1塊 (分4塊) 鹽 1 tbsp 黑胡椒 小許 做法: (1) 預熱焗爐至200C (2) 放20g牛油在大熱鍋中 , 油熱後加蒜蓉, 洋蔥及大蔥略炒至略帶金黃色. (3) 下 白蘑菇 和啡 蘑菇略炒至軟身 (約10分鐘).  (4) 加入雞湯 及Bay葉 煮滾後, 以文火煮材料至全部稔身（大約15分鐘）。 (5) 拿去Bay葉 放涼後，用攪拌器打勻，再放入煲內，加 忌廉 , 鹽和胡椒粉，試味直到覺得合味為止。 (6) 將湯倒入碗中 (ramekin), 上放一塊酥皮, 塗上蛋液後, 放入 焗爐內焗10分鐘至表面金黃色.    

港式焗飯中, 我最愛焗葡國雞飯, 愛它香, 甜, 濃, 它沒有咖哩焗飯那麼嗆, 它溫和但仍有個性, 這個飯我試了很多遍, 終於work out到一個我和老公喜歡的味道, 亦很接近在餐廳吃到到味道, 我老公說他覺得這個recipe更香更美味.   當然! 這個是真材實料! 本人覺得步驟蠻多, 但值得的. 因為如果忽略了某一個步驟, 味道差很遠. 份量: 4人份 材料:  雞髀肉 (連皮) 3片 洋蔥 (大) 1個 紅蘿蔔 (中) 3條  薯仔 (中) 3個 黃薑粉Tumerica Powder 3 tbsp (醃雞塊) + 1 tbsp (最後調味用) 紅咖哩 1 tbsp 香葉 1塊 無鹽雞湯 1.5杯 + 3 tbsp (混合麵粉) 椰漿 Coconut Cream 1罐 麵粉 2tbsp 飯 4碗 (可用2隻雞蛋先炒飯, 會香一點) Steps: (1) 將雞髀肉切大件, 洗淨然後用Kitchen Towel抹乾水, 用3 tbsp黃薑粉醃1小時. (2) 將所有蔬菜去皮切大塊. (3) 把 焗爐預熱至220C. (4) 下小許油在鑊中, 先爆香洋蔥, 稍變透明及微焦後盛起. (5) 再下紅蘿蔔, 加50ml水, 略煮片刻, 微焦後盛起. (6) 下1/2杯油, 油滾後下薯仔略炸, 直到表面微焦後盛起. (7) 把所有蔬菜用篩隔去多餘油份. (8) 把剩下的油盛起, 只留少量在鑊中, 下雞塊, 皮朝下放. 大火煎至金黃色再反到另一面再煎至金黃色 (小心不要煎"噥"), 然後加入所有蔬菜. (9) 下1tbsp 黃薑粉, 1 tbsp 紅咖哩爆香. (10) 倒入1.5杯雞湯, 香葉 1塊, 椰漿, 加蓋開大火煮至滾後, 轉中火煮5-10分鐘 (11) 將3tbsp雞湯與麵粉拌勻, 慢慢倒入葡國雞內, 慢慢拌勻. 熄火. (12) 把葡國雞倒在已放有白飯或炒飯的容器上, 焗10分鐘直至表面微黃. DONE!!! 溫馨小提示 : - 這個 焗飯味道較濃, 可以不用先煎炸蔬菜, 不用炒飯底, 不用一整罐椰漿 (可用coconut milk, 或一半低脂奶一半椰漿), 味道會清一點. 我試過, 但我老公說他較喜歡香濃的 焗葡國雞...