小人物的Live, Laugh, Love

我不想裝堅強正面， 2020 我真得過得爛透了！ 我在 2020 過得很廢，沒有做過什麼實質性或有建設性的事，但我好像長大了。 不知道誰說過，人要長大，是一剎那的事情，到那時候，你就會知道你真的長大了。我想，我應該遇到了那一剎那了。 人說，鬼不可怕，人心才是最可怕。一直以來所相信的價值觀在這一年崩潰了，原來黑是可以被說成白的，但最恐怖的是，有人相信！ 一次又一次，我明白到，凡事不要看表象。所以，我「自己」覺得我有變得冷靜，沒有那麼衝動發火！我不知道，我變得麻木了還是真的沉穩了，但槍永遠打出頭鳥，我做了那隻鳥很多年，自以為很正義，但只不過是黑社會兩幫派打架，我拿着塑膠刀衝出去捱揍的那個小混混，沒腦子沒能力。旁人看着我，只會說一聲：「真笨柒！」我不會再做那隻鳥！ 2021 開始，我不為別人而活，要忠於自己。自己想要走的路，所做的事，我不為其他人妥協及讓步。我  -  不會再為了希望得到別人的愛及尊重而去取悅人，我只會去愛值得我愛的人。 人生苦短，我連自己都不愛，自己的信念都守護不到，連自己都輕賤，枉為人。

之前想搵啲野學下同玩下，於是學拍vlog同埋剪接。 上一年，買咗部Sony a6400, 諗住開始拍，買晒accessories, 點知一路都無做到。一來的唔起心肝做，二來部機好難操作，又重又大舊，帶埋啲LED 燈，腳架，mic 等等已而好似去露營咁。攞起手有野想拍時，又要set 機等等，想拍嘅野都miss 咗啦。  本來，買部相機仲有一個好大嘅原因係想去歐洲旅行時拍vlog, 點知。。。臨出發去機場前，攞住啲行李，袋等，發覺部相機+accessories 真係好重，又攞住咁打多野真係好唔方便，於是忍痛咁留佢哋係屋企，無帶佢哋去歐洲。 旅行完之後，我就賣咗部相機俾個學緊影相嘅日本仔。 我唔想放棄拍野呀！ 我好似次次都得個講字。班friends 都想拍低大家相聚一刻嘅moment 作為紀念，於是我就開始拍啦！ 🤩 我哋有個group 叫Diu La Sing, 因為我哋好容易irritate, 好燥底，我哋有個friend 阿路時日忍唔住就Diu 人La Sing. 所以我哋個黨名叫Diu La Sing 黨。咁個Youtube Channel 就叫Diu La Sing, 本來想直接寫「屌那星」，但唔知會唔會俾Youtube 黃標，所以都係含蓄啲。 第一條片係去Langley 一日遊： 我終於做到啦！！！ 好開心！！ 講咗年幾兩年嘅野終於做到，係好興奮！！！ 但出咗呢條片後，好尊敬啲youtubers, 尤其係自己諗題目，自己拍，自己諗嗰啲，因為真係唔容易。好彩我哋唔係要用Youtube 賺錢，唔係要出名，我哋係有野想留念，想紀錄低我哋所剩無幾嘅友誼，想話俾我哋係海外嘅親戚朋友知，我哋係溫哥華嘅生活。 諗題材方面係以我哋幾個做中心，想拍乜就拍，壓力會無咁大。 拍方面，我真係學到好多野。我依家睇人哋拍片會多咗留意畫面構圖，燈光，顏色配撘，storyline, flow 等等。 剪接方面，對於我黎講係難嘅，拍咗成日嘅片，剪到出黎用嘅係10-13分鐘。要點樣另成段片節奏明快及流暢，唔會悶，又會紀錄到我哋想要嘅野，以我一個新手黎講係難。再加上transition 位，配樂，音效，畫面特效，字幕等等，都試好耐，所以我剪一條片係用差唔多一日時間黎剪，最後出黎嘅聲果係得10-13分鐘。 過程係煩，但好玩，學到好多野，我都好enjoy.  所以咁就做咗4條片出黎...

愛上做麵包. 除了為了老公有健康NO Chemical的麵包做早餐, 當然還有多個原因. 第一, 我竟然做得到!!!! 要知道我煮什麼都失敗, 能成功地弄一個麵包出來, 能吃, 還沒有拉肚子, 已經要非常感恩, 還要弄得還不錯, 真的是一個奇績!!! 第二, 我愛看著麵團發酵的樣子, 慢慢漲大, 很可愛 :P. 好像有澎湃的生命力在那團滑溜溜的東西內穿梭, 好神奇! 第三, 我愛家裡充滿烤麵包時的香氣, 好幸福! 麵粉, 雞蛋, 牛奶, 牛油的香氣全都跑進牆壁的每一個毛孔, 這是家的感覺. 第四, 麵團在烤箱裡漸漸變成麵包, 它長大了, 變得金黃色, 它在我手上, 它的生命力得到完美的演繹, 很有成功感! (尤其是我一向沒有什麼可自豪的...) 最後, 最重要的原因是...... 在做麵包的過程中, 我享受到其他時候感受不到的寧靜, 專注, 放鬆, 我只是專心一意的做好每一步, 靜待結果, 享受成果. 在那幾個小時內, 我的腦子終於可以停下來, 給我休息一下. 好珍貴的感覺..... 我愛麵包!

啱啱經歷咗好L 煩嘅兩個禮拜。做做13年lash artist, 終於俾人走我數。 究竟係我太易信人？ 定係我蠢？ 我諗兩樣都有。 呢一個客幫襯咗我斷斷續續2年，佢係墨西哥人，兩三年前黎溫哥華，搵我做lashes. 好有禮貌。雖然英文唔係咁好，但好努力去表達，感覺都好誠懇。每一次都俾cash 或etransfer. 佢嘅cash 係佢幫人地黑市做清潔嘅錢，etransfer 係佢嘅男朋友俾嘅。每次都有俾錢。就算etransfer, 都會即日俾，永無拖數。  佢好鍾意我幫佢做嘅lashes, 所以佢一有錢就會黎整，每次我都好用心幫佢設計唔同嘅look, 佢話鐘意濃密啲，我都唔會額外加佢錢，務求令佢開心滿意。 我哋呢個友好，互相信任嘅關心終於打破。 兩個禮拜前，佢去完墨西哥探親返黎溫哥華，就黎我度做眼睫毛。個appointment 係佢仲係墨西哥時book 嘅，佢知我忙，一早book, 我俾佢嘅時間，佢都馬上say yes, 無扭扭捏捏。做完啦當然好靚，佢好開心，佢book 埋下一次。之後話佢男朋友會etransfer 我。一切都好似之前咁，我無諗乜野，就話無問題然後俾佢離開。 去到夜晚佢男朋友都未俾錢，我PM 佢，問佢男朋友係咪etransfer 去錯咗第二個account, 叫佢check 下。 佢就話，"吓？佢俾俾你咩？ 我以為佢俾咗㖭！ 唔緊要，我叫佢儘快etransfer 俾你！"之後幾日佢都係無俾錢，又不停話會俾，又俾唔同藉口話佢點解唔俾： ~ 男朋友應承咗俾，但而家唔肯俾 ~ 老細拖佢糧 ~ 收到cheque 啦，但入唔到票 ~ 張cheque 差兩個簽名所以入唔到 佢俾無數個藉口話我聽點解佢俾唔到。我堅慶！玩我呀？？ 拖我數？想做霸王lashes?! 你當我啲時間，我啲心機，我的products 唔值錢呀？ 🤬 我係fb問完班同行之後，佢哋提議我出封final invoice 俾佢，叫佢係限期耐俾晒啲錢，如果唔得就報警，告佢theft of services. 其實我真係唔想做到咁，我想move on, let go,但我真係唔忿氣， 我一路都好俾心機去做好我份工，對我啲客好好，200%付出，同佢哋唔計較，你利用緊我囉！！！！🤬 唔好因為我好人你就恰我啦！！ 所以我終於都message 咗佢。佢好夜先覆我，話好對唔住佢唔想，但佢真...

有個朋友VV先生好奇怪，時日懶係講啲好高深嘅嘢，或者講啲懶係搞笑嘅嘢。佢仲有個技能，就係講嘢好腰心腰肺，衰啲講句無料扮四條，把口賤到死，冇乜建設性， 時日覺得身邊嘅人全部都係🐷，佢最叻! 識少少日文，時日係group chat度打日文， 鬼唔知你係google translate 度，English to Japanese再copy and paste咩! 你連讀都唔識，寫出黎做乜啫？！ 唔好意思，唔好笑囉！仲有唔覺得你叻囉阿baby! I'm soli, what spring are you talking about? 你咁鬼鍾意去窒人! 人哋窒番你又唔開心，話人唔尊重你!  之後嬲嬲豬😡😡🐷! Come on!! 地球好危險，番去你個星球啦！ 真係叻呢就唔需要踩低人抬高自己! 亦唔洗時日提住嘅! 有幽默感都唔洗下下攞人黎笑嘅! 要人尊重你，唔該你先尊重人啦！

話晒開個blog用來記得自己嘅感受，我嘅經歷，我嘅喜好，我試驗嘅食譜，但我又停低咗囉！ 我覺得我真係一個懶人，一個無恆心嘅人。或者係咁講，我係好需要人陪同埋自持嘅人，唔怪之得啲人要博like啦！我就係不屑博like，唔肯promote自己呢個blog，無動力寫囉。。。哈哈哈。。。籍口。一個字 『懶』囉！ 過去一年，係真係hea咗好多，雖然都係吃喝玩樂，但提升自己嘅事真係少咗好多。要做番曲奇啦！都試咗幾個食譜，仲未揾到一個自己好鍾意嘅，唔會有wow嘅感覺。我真係好想搵到啲曲奇食譜係我自己覺得proud of, 但係好可惜， 未有。咁真係要努力咁研究一下。 另外今年都發生咗一件大事，係我決定唔返教會。 係唔係我唔再信神呢？絕對唔係，係我唔鍾意教會同基督徒。我覺得有呢兩樣嘢嘅存在係完全扭曲咗神同基督嘅教導，呢個已經唔係一個真理，係一個偽術！當國家同國家之間有充滿自私自利嘅權力鬥爭同埋政治衝突，有欺詐成份嘅利用，虛假嘅糖衣包裝，其實一樣充斥係教會入面同基督徒之間，我呢份人最憎係假面具！呢樣嘢我接受唔到。你哋口口聲聲話自己有幾神聖，然後要教我點做，話我變到做錯，唔好意思囉！你哋自己都做唔到，憑什麼？！ 反而做咗呢個決定之後，我就成個人舒服晒！ 我相信神係愛我嘅！佢想我快樂！好多謝你比我自由意志！

最近真係發生得好多嘢，搞到個腦個cpu都死死地。仲有陣係太忙，做得一件就做唔到第二件。 之前講到遇見渣男，佢已經係過去式。我之後經過會計師搵到個係我屋企附近嘅好地方，包租婆係香港人，溝通得好順利。我同lili每人租一間房, 我哋已經開業咗成個幾月. 好彩係聖誕新年開張,  點都撈到啲新客. 我雖然set個goal話嚟緊半年夠交租就得, 其實當然想要多啲啲啦. 起碼夠到食.  但係我都要令自己壓力無咁大, 好彩lo子有份工頂住.  其實過咗5個禮拜, 都比我預期好. 要講一講一個得意嘢, 我啱啱呢個week禱告話, 神啊! 如果呢個禮拜你比到我5個客我, 我就滿足啦. 點知同一日, 真係有booking, 真係夠5個客!!!! 真係amazing! 我覺得好溫暖, 但又好好笑. 話五個, 就真係五個!!! 😂😂😂😂😂  我當晚同lo子講番呢件事,  佢都覺得好掂!! 我真係覺得好得意，有時真係多過五個，但係起碼有五個。我諗我要同神講提高個要求先？！！ 如果我話我想每一個禮拜比上一個禮拜多一個客，直至fully booked. 咁算唔算過份？？？ 等我要求下先。。。😬😬😬😬😬 呢幾個月，發生咗一件大事!!! 就係屋企多咗兩個新成員!!!! NeyNey 同埋包包! 佢地兩個係Munchkins, 腳仔短短好得意架! 我初初以爲佢地腳短跳唔高，原來我係錯嘅!!! 佢地第一日黎到屋企，已經跳咗上個benchtop度，嚇死本寶寶!!!!!!! 佢地真係好得意! 兩個性格好唔同，NeyNey係姐姐，佢唔痴人，唔鍾意俾人抱，好獨立，平時自己一個坐開，除咗有時同包包玩，食嘢飲水同痾咁囉！包包就好痴人，唔知係咪仔仔又係橙貓既關係？！佢好嗲人，由其係我😆😆😆😆😆.  我真係錫佢錫到燶。佢又唔似狗狗咁痴人，但係佢俾我嘅感覺係，佢好愛我哋咁，佢會歡迎我哋，會打招呼。NeyNey就當我同Loji homestay parents 咁。。。俾個地方佢住，俾嘢佢食咁囉。。。不過其實貓貓係咁嘅。。。係阿包包特別啲啫!!  新年嘅時候，包包病得好嚴重，嚇死我，我嚇到係個獸醫診所度喊，我真係驚無咗佢。。。 今年有咩大計我仲未諗，我有諗住想做好多嘢，例如學...

呢排都好懶，又貪玩， 掛住去玩都無乜番教會番團契。 其實對於我黎講，番團契番崇拜都係好似去啲家族聚會，阿爸阿媽叫到，要求出席露面，唔想佢哋唔開心咁咪去囉！ 你話真係好想去呢就一定唔會囉！ 去到又要好守規矩，講嘢又要好小心咁。人人都好似好乖，又好多人好似講緊文言文咁，你好似明明哋佢哋講乜，但又搭錯線咁。我就不嬲好世俗嘅，嗰啲「我會為你禱告」, 「神會祝福你」, 「啊！太好啦！ 真係神嘅恩典」呢啲教會用語我咁多年都唔係好講得出口，人地講我都覺得毛管戙，覺得同呢種星球人有啲格格不入。 我係知點解佢哋會咁，亦明白佢哋都係想話俾你聽佢哋關心你，想俾啲正能量你，但係硬係會令人卻步囉。 作為耶穌嘅忠實Fans, 我跟咗呢個大佬咁多年，都知佢係堅嘅。佢幫咗我好多，令我改咗好多嘢。我係對佢死心塌地嘅，唔會再跟第二個大佬嘅。但係我聽到其他o靚咁講嘢，我都覺得有啲怪怪地，更何況未跟耶穌嗰啲人呢？ 有時你講得幾華麗，幾富有宗教色彩，啲人反而會驚囉！ 不如唔好講咁多廢話，做吧啦！ 例如，唔洗出聲話幫人祈禱, 直頭馬上靜靜哋幫佢祈啦！你講話神會祝福你，你不如好好哋give a hug, 再幫佢哋解決問題啦！ 你要踢人入會啊都要令嗰個人唔好有反感先，見到你哋入咗會變得神神化化， 講嘢都好似穿越咗咁，係人都唔想入啦！ 所以，輝哥，小芸， Emily係我心入面最正嘅耶穌代言人! 佢哋唔講嗰啲「密碼」, 只係做同埋幫你，仲要幫完你不問回報嗰下先正嘛！佢哋真係掂呀！ 。 。 。 後話： 神啊！ 我知你唔會怪我咁講嘅，我係不嬲都同你其他o靚唔同架啦！我知你都咁睇我嘅，你就由得我咁啦！ 個個靚都一樣，你都悶啦！ 係咪？

我咁失落又咁掛著Emily, 梗係whatsapp過去訴吓苦啦！ 佢都係啱啱「奔四」嘛😂😂😂！ 佢同我講佢話佢都覺得好Struggle, 諗緊慶唔慶祝好，佢又唔想提個「4」字， 但係又唔想miss咗個big day. 於是佢都搞咗個Theme party。佢話喎。。。人生有幾多個十年？ 佢仲話，今年比踏入30歲時係特別感性，但佢好快就調整到心態，都係唔開心咗一陣啫。佢話佢想開始做啲有紀念性嘅嘢，之前過去39年冇做嘅，或啫「的」唔起心肝做嘅嘢，佢要開始做啦！例如做番多啲運動，挑戰玩marathon, 做多啲facial, 發掘多啲興趣等， 務求令到活得更豐盛! 同佢傾完，真係矛塞頓開! 係喎! 我都要好似佢咁，我唔想白過囉！ 我係Auckland搬黎溫Vancouver都係想有個豐盛嘅人生，令自己唔好後悔啫？！ 咁我都應該要諗吓，我有啲咩可以做咗開心啲! 我發覺我之前太過畏首畏尾，諗多過做。所以，我要開番個blog, 記錄低我每日見到嘅嘢，我諗乜嘢，開心唔開心，驚喜or驚嚇嘅， 仲有我整過嘅嘢食，我做過嘅特別事，等等等等， 我都要寫低。希望呢個blog可以將我嘅一點一滴留係呢個地球，呢個空間。 人生有幾多個十年？ 我會努力寫落去。💖

啱啱到咗40歲，好down😢. 連生日都唔想過。我叫勞子唔洗同我慶祝，亦唔洗同朋友提起，因為我真係唔想remind自己由3字頭跳入4字。好似突然之間覺係自己老咗好多! 但照下鏡，明明自己無咁老，皺紋都冇條! (Touch wood! Touch 木！！！ ) 諗起都sad。。。 其實，今年生日，我淨係想靜靜哋同勞子過， 求其食餐飯就算。點知。。。我唔記得係fb delete我嘅生日。。。當我記得時，已經有人留言，我delete唔到。。。我已經馬上去刪咗birthday notification，點知仲係有人睇到之前別人嘅留言而恭喜我。我係心存感謝朋友有心，但其實我心裏面其實唔太舒服，尤其是我嘅電腦昨天不停snooze我“Small Potato's 40th birthday today"....😡 我知道很多人都覺得好小事。。。係嘅。。。我明白。。。但女人對變老總會有啲唔高興和失落， 等於29 跳入30都總會有點失落。咁咪俾我失落一陣囉。。。過渡期嘛。。。 點知生日前一日，勞子秘密咁搵咗幾個我新識嘅朋友同我食飯，係最近都玩得好埋嘅。大家都冇講咩生日快樂咁，我都覺得冇乜嘢。就當係平常食餐飯囉! 到夜晚番屋企之後，其中一個朋友W先生發咗個message給我，首先話生日快樂。然後話。。。“希望你唔好怪andy搵我地出來，其實係我哋叫andy搵你出來食生日飯，但他又好堅持話你唔想慶祝，又煞有介事咁講話最好唔好提生日，生日快樂呢啲字，我真係唔明白點解要咁啫，生日之嘛，所以搞到大家今晩都好尷尬，好weird咁." 我真係馬上“O咀”！ 點呀？！ 唔想慶祝都係錯？ 唔搵人慶祝都係錯？ 我係覺得勞子係有啲誇張，我並冇話連生日兩個字都唔好提提，我只係同佢講話我想低調啲，不慶祝都冇乜嘢。。。我唔會怪勞子，佢都係唔想我唔開心啫! 我之後，仲要跟其他人分別解釋和多謝佢哋來“陪”我食飯!  當然啦，其實其他人冇乜嘢，就係W先生令我o哂咀! 唉。。。要交真心朋友真係好難。。。嗰啲會尊重你嘅個性包容你嘅真係好難。。。不需要解釋，大家心照不宣嘅朋友。。。好難。。所以，我係好掛住係NZ嘅Emily同埋妹妹。。。