小人物的Live, Laugh, Love

之前想搵啲野學下同玩下，於是學拍vlog同埋剪接。 上一年，買咗部Sony a6400, 諗住開始拍，買晒accessories, 點知一路都無做到。一來的唔起心肝做，二來部機好難操作，又重又大舊，帶埋啲LED 燈，腳架，mic 等等已而好似去露營咁。攞起手有野想拍時，又要set 機等等，想拍嘅野都miss 咗啦。  本來，買部相機仲有一個好大嘅原因係想去歐洲旅行時拍vlog, 點知。。。臨出發去機場前，攞住啲行李，袋等，發覺部相機+accessories 真係好重，又攞住咁打多野真係好唔方便，於是忍痛咁留佢哋係屋企，無帶佢哋去歐洲。 旅行完之後，我就賣咗部相機俾個學緊影相嘅日本仔。 我唔想放棄拍野呀！ 我好似次次都得個講字。班friends 都想拍低大家相聚一刻嘅moment 作為紀念，於是我就開始拍啦！ 🤩 我哋有個group 叫Diu La Sing, 因為我哋好容易irritate, 好燥底，我哋有個friend 阿路時日忍唔住就Diu 人La Sing. 所以我哋個黨名叫Diu La Sing 黨。咁個Youtube Channel 就叫Diu La Sing, 本來想直接寫「屌那星」，但唔知會唔會俾Youtube 黃標，所以都係含蓄啲。 第一條片係去Langley 一日遊： 我終於做到啦！！！ 好開心！！ 講咗年幾兩年嘅野終於做到，係好興奮！！！ 但出咗呢條片後，好尊敬啲youtubers, 尤其係自己諗題目，自己拍，自己諗嗰啲，因為真係唔容易。好彩我哋唔係要用Youtube 賺錢，唔係要出名，我哋係有野想留念，想紀錄低我哋所剩無幾嘅友誼，想話俾我哋係海外嘅親戚朋友知，我哋係溫哥華嘅生活。 諗題材方面係以我哋幾個做中心，想拍乜就拍，壓力會無咁大。 拍方面，我真係學到好多野。我依家睇人哋拍片會多咗留意畫面構圖，燈光，顏色配撘，storyline, flow 等等。 剪接方面，對於我黎講係難嘅，拍咗成日嘅片，剪到出黎用嘅係10-13分鐘。要點樣另成段片節奏明快及流暢，唔會悶，又會紀錄到我哋想要嘅野，以我一個新手黎講係難。再加上transition 位，配樂，音效，畫面特效，字幕等等，都試好耐，所以我剪一條片係用差唔多一日時間黎剪，最後出黎嘅聲果係得10-13分鐘。 過程係煩，但好玩，學到好多野，我都好enjoy.  所以咁就做咗4條片出黎...

咁難得係Coquitlam 呢啲咁「山卡啦」（⬅️我啲friends 話嘅😂）嘅地方開新加坡餐廳，梗係要飛奔黎試下啦！ 我都希望Coquitlam 可以吐氣揚眉，唔係淨係得Richmond 先有好野食！💪 結果。。。呢一間都係打唔贏。😰 呢一間Singapore Hawker 開咗冇幾耐，好新，好乾淨，好光猛，坐得都舒適。一入到去，好似「大快樂」咁，要先去cashier買野食➡️攞飛➡️搵位➡️按號碼攞野食。攞刀叉碗筷，水或茶都係自助式，食完自己擺去旁邊嘅膠盤。除咗點菜，係完全無人招呼你。我就覺得幾好，幾自在，起碼唔洗俾貼士。😅 環境指數 (out of 10): ⭐️⭐️⭐️⭐️⭐️⭐️ 食物味道方面，我就覺得好普通，即係又係嗰啲。。。唔好食又唔係，好好食又唔係，中規中矩。以東南亞菜系黎講，味道偏淡。好味指數（out of 10)：⭐️⭐️⭐️⭐️⭐️  我覺得如果你住係Coquitlam, 又突然好想食馬來西亞/星加坡嘅食物，可以黎呢一間試試，止吓咳嘅。😄

「蕭敬騰，對不起！」🥺🥺🥺我喜歡你的人，你的歌，但沒辦法愛上你的麵。。。😢 今日我係食「油潑小辣」嗰一包，根據官方提示，佢比另一款麵會辣啲。對於我來講，佢係中辣，但佢嘅辣絕對唔好食，無層次，食得唔舒服，唔過癮嘅辣。佢除咗個種死辣，再俾唔到其他野你，例如。。。飲酒精或紅酒，呢一個辣就係飲酒精咁，好沖，無深度，無層次，一啲都唔interesting.🤮  黑色醬汁同佢嘅辣都係無層次，好單一。佢嘅咸，酸，辣好似係化驗室做出黎咁。簡單啲講，醋，檸檬，士多啤梨嘅酸都唔同，黑椒，乾辣椒，新鮮辣椒，薑嘅辣都有佢特別嘅辣味同香味；就算老抽同生抽，仲有蠔油嘅咸都唔同啦。佢哋除咗個主味道，會再俾你其他獨有嘅特色。但呢個醬汁+辣油，係乜都無。佢吸引唔到你食落去。  麵條 - no comment. 普通到唔普通。  呢一包麵附送一包「剝皮辣椒」，佢係呢一包麵嘅highlight! 佢係香，辣，爽脆，比起佢個醬汁，辣油同麵條出色太多！ 佢唔係soggy, 軟淋淋咁，質哋好食。個辣味都有趣好多，起碼有青辣椒嘅草香，啲辣係慢慢，好柔和咁滲出黎再充滿你成個口腔！ 值得一讚！👍但係咪好食到要買黎食呢，唔係囉！ ⭐️呢一包老蕭伴麵我俾50分（100分滿分），50分係俾「剝皮辣椒」。但係如果我唔係蕭敬騰fans, 呢50分我都唔會俾。🥺🥺🥺 🥺老蕭，對不起！！你都是唱歌吧！😰 .

呢間泰國菜偏淡味。唔鍾意好重口味嘅可以試下。其實，泰國菜係唔係應該重口味呢？唔重口味就唔係泰國菜？！🤔🤔 個青木瓜沙律同買青咖哩雞都好食嘅，Pad Thai 就好一般。佢哋嘅Pad Thai 有兩個version , 一個係用傳統汁Tamarind 炒，一個係用豉油炒，我就嗌咗Tamarind version. 但係我係食到茄汁炒河咁嘅味。雖然啲料好多，但無香味，唔辣 (嗌咗中辣），係茄汁味。不值一試。 服務： ⭐️⭐️⭐️⭐️ (招呼我哋個男仔嘅好，個manager 就麻麻） 環境：⭐️⭐️⭐️ (入門口幾棵好似人咁高嘅樹欄住咗，唔係咁鍾意，入面坐得舒服嘅) 味道：⭐️⭐️⭐️ (Pad Thai 扣分） 價錢： 💲💲💲 (都係正常泰國菜價錢） 推薦指數：

我住嗰區有好多韓國人聚集，所以韓國餐館都好多。地唔地道我唔識講，我assume 越多韓國人去幫襯就應該地道啩？！🤔 呢一間有人排到出面，有等位，有外賣，入面大約8張枱有7張係韓國人。牆上面嘅餐牌係韓文，都有英文，但係係韓文拼音，即係好似大陸翻譯「排隊」做➡️"pai dui", 「免費」➡️"mian fei" 咁囉。🤣🤣🤣 我哋嗌咗Tteokbokki , Mandu-guk,因為最近突然好鐘意食，都好食嘅，好comfort food (對於我）。再嗌咗碌韓國壽司，因為每一枱都嗌。啲人外賣幾條走㖭，咁我諗應該嗌得過！🧐 係！ 事實係➡️壽司係胆黎嘅，要呢隻胆拖其他野食。其一係，我另外嗌嘅魚餅年糕同餃餃湯都唔係咁飽肚 (雖然都ok好食），加條壽司啱啱好！ 其二，佢平！$4.5一大碌喎！其三，又真係幾好食。🤩我諗我如果假如可能突然肚餓都會買條壽司當snack 食，早餐都會。 😄😄 呢一間係食小食類嘅，大食少少嘅人就嗌一份飯，麵，餃whatever 再搭多一兩條壽司做膽就perfect 喇！值得黎試！

呢間餐廳值得一試！ 必食之選： Laksa 同埋海南雞飯。 👍 我唔係喇沙嘅fans, 因為我每次食都會覺得好漏，好口渴，過份濃味，好似要飲10罐可樂解味精咁。呢間喇沙個湯好正，飲得好舒服，濃淡度啱啱好，又有鮮味，，唔似味粉開嘅味精湯，好似嗰啲熬出黎嘅湯咁。我嗌咗海鮮laksa, 油麵加米粉，好多料，真係有蝦，有魚塊，有帶子，青口，仲有其他配角，每樣都有幾舊，唔係求其俾幾粒魚蛋敷衍你。今次我哋竟然食得晒，連湯都飲晒！唔洗飲可樂！ 海南雞係呢間嘅招牌。個雞唔係走地雞但質地味道好似，好滑又夠入味。薑蓉辣醬，湯，油飯中規中矩。個飯唔係我食開嘅味，無雞油香，但都好食，唔肥膩。呢個雞我可以自己一個人食半隻（或以上）！ 炒貴刁可以唔洗食，係無乜鑊氣嘅乾炒牛河走牛肉嘅味道，叫咗辣但零辣味，食咗兩啖淨係食到有豉油嘅河粉，唔記得食咗咩配料。有啲失望。 對於唔係接受到極度重口味嘅我，呢間Green & Oak幾適合我，夠味又唔會淡茂茂，起碼食完唔洗飲可樂。仲有唔係好肥膩，食完應該唔會新幹線。下次要試多幾樣馬拉菜先決定嚟唔黎第3️⃣次。

* Pho ~ 望到上面層油都覺得油膩，有牛肉味嘅，啲牛肉片ok 嘅，新鮮嘅，但佢"漏"到我飲唔晒個湯，食唔晒成碗粉。我覺得Pho37好食好多！！ *牛油蒜蓉雞翼～炸得唔錯，鬆化嘅，好食，當然俾金邊差啲，成餐最好食。 *木瓜沙律～hm...我食唔到咩味，因為我吐咗出嚟。。。話咗唔要芫茜，我第一啖就食到滿口芫茜。。。🤬 *食物質素 ~ ⭐️⭐️⭐️ *環境 ~ ⭐️⭐️⭐️⭐️ * 服務態度 ~ ⭐️ (serve 我嗰個係一個西面女侍應） (out of 5)

雞我最鍾意吃雞！  我平時對炸野真係麻麻哋，但自從係仁川機場食過嗰間阿豬媽韓國炸雞，我離開咗韓國之後就不停尋找同佢媲美嘅炸雞，可惜可惜，點都搵唔到。。。呢間係我屋企附近，算係幾好，個皮夠薄夠脆，係用米粉唔係麵粉。淋咗汁都仲係脆，好乾爽，一啲都唔油膩，食到底都係無乜油！ 當然比起仁川機場附近街市嗰間都係差啲，如果個間有10/10, 呢間係6/10, 但係係我咁耐無食過一間高過6分。。。so如果我要食韓國炸雞，都係會黎呢間！ 必叫精選係original 原味，soy garlic, maple honey. 但如果唔食得辣嘅千祈唔好黎，佢嘅雞醃嘅時候都已經辣，咩味都係有個辣嘅味。值得一試嘅！

溫哥華啲日本餐又多，又好食又正宗就係人都知，我就唔識係唔係正宗，我冇好似我班去日本當番鄉下嘅friends咁識食，我淨係知道我鍾唔鍾意食。 講真嗰句，黎到溫哥華， 眼界係開闊咗嘅，識咗好多新嘢又試咗好多之前係NZ未食過嘅食材，例如魚生或壽司嘅種類。我之前係NZ未食過Saba, Hamachi, Toro, Aburi Battera sushi, Negitoro maki, Hotate and Mentai Nigiri. 亦唔會時日有Ikura, Ika。Uni我係NZ未食過㖭啦！仲有呢邊食日本嘢比較係NZ都唔係好貴，係NZ真係你有錢都冇得食，因為入口管制得嚴重。所以，我同勞子係每個禮拜都會食一餐日本嘢。 今朝佢話佢想食拉麵。我馬上search Instagram搵#yvrramen, 我就俾一張相吸引咗。有人post咗一碗拉麵同埋一份Saba Aburi Battera Sushi出黎!!! 嘩! 我兩眼發光，Saba啊！仲要係炙り 同埋板壓寿司啊！於是我哋就決定今日我一放工就衝去食! 我哋五點鐘到Rajio，佢哋都未開始營業但門係打開咗(開5：30PM)但可以俾我哋訂位先，不過有時間限制。侍應小姐話我最遲要7：00PM交番張枱俾佢哋，我梗係話冇問題啦！之後我同勞子5:29pm到，間鋪好靜好靜，有個男侍應哥哥好panic, 係咁話“噢？你地到咗啦？ 我哋未開門啊！一分鐘一分鐘! 你哋出返去等啦!” 我O晒咀! 心諗“吓？都冇人! 可以帶我地坐低先啫。。。 仲有一分鐘啫! 洗唔洗咁緊張？！？！？” 點知1分鐘後，全間鋪啲人好似上哂身咁，講哂口號咁， 仲聽到啲切嘢聲洗嘢聲，成間鋪開始嘈，好似啲摩打撻着咗咁全間鋪開似運作。呢個咁大既對比對于我黎講係有啲震撼。我冇怪佢哋之前既舉動，我反而覺得佢哋好professional, 佢地係想俾100% 服務俾顧客，將佢哋嘅心放係工作到，俾你感受最傳統熱鬧輕鬆嘅居酒屋體驗。我feel到佢地既熱情同敬業樂業。係我唔啱，我唔應該去打擾佢哋係度預備，就好似我未化完妝，有人要撞入黎睇到我未ready嘅一面，嗰種尷尬及不自在。 講咗一大堆嘢，咁食物又點呢？值唔值得去呢？ 其實，我真係無資格講。因為我冇試哂成個menu, 我淨係試咗三樣嘢。Heavenly Sweet Shrimp Miso R...