因為一個洗碗碟機引發大戰

敵軍： 勞子
我軍：我
地點：屋企
事原：我放咗普通洗潔精落去洗碗碟機，洗咗好耐都未得，於是我cancel個cycle見到入面嘔白泡，心知瀨嘢。點知係咁俾人質問。

情況發展：
由敵軍挑釁引起戰爭，我軍反擊，敵軍覺得自己無意挑起戰爭但見我軍開火，覺得面子有損，於是唔忿氣要還擊! 我軍當然不甘受辱而反擊。

戰爭升級!  火燒到“焓焓聲”，敵方見勢色唔對，自動收火撤退並投降，希望以和為貴。

我軍覺得對方唔係真心投降，皆因敵方表示唔順氣，係比逼投降，於是我方將戰爭再升級!

敵方無反擊，只忍辱負重咁繼續游說講和。

我方自爆! 兩敗俱傷。

最後輸的是我! 係我控制唔到自己情緒，明明勞子已經先“慣”低一鋪，唔想繼續嘈落去，係我咄咄逼人，於是由小事變大事。兩個都心傷心攰。。。何必呢？ 我係話我。。。

.

.

後記：真係唔好用普通洗潔精放落洗碗碟機，我只係放咗半湯匙咁嘅份量，我要開3次機洗3次先沖得走所有泡😡😡😡