要求人做到你嘅standard真係難! 所以好煩!

今朝唔開心囉。。。但係諗諗吓又覺得唔應該唔開心。我呢個四號仔嘅性格又浦頭啦😓！

其實勞子因為琴晚瞓得唔好，覺得好攰同埋唔舒服先會話車唔到我去車站，叫我自己行去。其實我應該淨係聽字面嘅說話，唔應該諗咁多背後嘅意思或原因。我係度諗。。。唓！我琴晚都瞓得唔好啦！ 我今朝又要晨早起身番工？ 之前都試過唔舒服啦！咪一樣照起身車我，話最多之後番屋企瞌過。 嗰時應承咗話點都要車嘅除咗真係無辦法。咁而家係咪真係無辦法呢？ 我又諗，時日都小小嘢變到好大件事咁，整親少少，少少唔舒服就show 晒出黎，覺得好辛苦，好慘，咩都做唔到咁，工唔洗番，咩都唔洗做。仲有小小唔如意就會黑哂面好唔開心，覺得天就嚟跌落黎咁， 嬲晒全世界😡! 

落雨又怕天雨路滑，落雪又驚凍親係條街跣軚， 夏天有太陽又話太曬太熱驚中暑， 我心諗，有冇咁嚴重啊😲？！ 我係覺得點解會咁多藉口，或啫佢唔覺呢啲係藉口，佢真係覺得bothering嘅。但係，做人時日俾啲外面嘅因數影響自己嘅行動, 決定同阻礙日常生活，唔會覺得自己好軟弱嘅咩？仲有，嘥咗好多時間喎! 人生已經過咗咁多年，仲有，人生有幾多個十年呢？係咪應該好好利用把握呢？唔好咁容易俾其他嘢影響到呢？ 挑戰自己嘅軟弱先至不枉此生嘛！

勞子時日話人人唔同，我又唔係佢，我撐得掂唔代表佢得，我做到既嘢唔代表佢我做到，調番轉頭，佢做到我又做唔到啫！ 

咁佢又講得啱，但我真係覺得我係女人都可以好堅強，唔會咁容易俾其他嘢影響或動搖，唔得嘅我都會努力去嘗試， 咁點解佢係男人唔可以更加堅強呢？ 嗱! 呢個就係佢覺得我同佢唔同啦！唔可以label咗男人一定係好堅強嘅，女人就一定軟弱嘅。佢亦覺得神做每個人都唔同，唔應該set一啲條條框框加諸係每個人身上要佢一定要同其他人一樣咁行。（心入面OS：又係嘅。。。又係有道理嘅。。。你叫我好似班乖乖基督徒咁講嘢，你聯埋我把口好啦😜。。。）

講左咁耐，呻咗一輪，冷靜啲都無咁唔開心啦。。。其實諗深一層佢都算對我好好，佢包容性幾大。結咗婚咁多年，佢真係無要求我做老婆應該要點要做啲乜，佢亦從來冇講過想我點點點，或者女人應該係點，佢又無埋怨我啲腳毛長要我剃，仲係咁摸話『無嘢呀！幾滑吖！！！』係我一直要求佢。都有嘅。。。有時佢會要求我唔好要求佢咁多，大家輕鬆啲。咁又係，我時日話要每日最緊要開心，係我諗太多，太敏感令到自己唔開心令到大家唔開心...好啦！我都學吓唔好咁多要求，唔好諗咁多，唔好咁多理所當然啦。

Hehe...😆😆😆😆不過咁，我係一個四號仔加處女座，我對生活有要求都係正常嘅, 我對我身邊嘅人同埋事都有要求嘅。我可以少啲要求，盡量只要求自己，唔好監人做到我嘅要求囉！ 勞子有心發奮都Pass啦！ 係咁架啦！ 呢個世界係唔公平架啦！又唔係第一日做人。。。講完，廢噏完！😂😂😂😂😂

留言

發佈留言

此網誌的熱門文章

芒果慕斯蛋糕 Mango Mousse Cake (綿花蛋糕版)

圖片
芒果是除了榴槤之外，我最愛的水果,。之前在AUCKLAND沒有黃皮芒果 (菲律賓芒果或呂宋芒), 都會很想回香港狠狠吃它一打。但我那有那麼多錢常常回去呢? 唯有, 當想念黃皮芒果的時候, 就會用印度罐頭芒果茸（MANGO PUREE）做一個芒果慕斯蛋糕或芒果慕斯杯給自己過一下癮。 以下這個不敗食譜是我的拿手送禮show quali之作。技術指數低，好吃又平宜.   想討LIKE就是這個食譜了! 以上的作品是我最近做給小芸生日的。 比我之前做的蛋糕複雜,  為顯誠意我做了7寸大和兩層蛋糕兩層慕斯的。 如果想簡單一點, 一層蛋糕底加一層芒果慕斯已經足夠。 蛋糕底: 我個人是不喜歡消化餅底，我覺得牛油太多，不是會致肥的問題，怕肥就不要吃😂😂😂不要做甜品， 我不喜歡它的味道太濃郁，牛油味麥芽味太濃郁， 配合芝士蛋糕挺不錯，但會 搶去芒果慕斯的風頭。不過這是個人喜好吧！ 今次我選擇了做棉花蛋糕(燙麵法+水浴法), 因為我覺得口感較軟綿綿, 較濕潤, 又LIGHTWEIGHT一點。還有，失敗率0%如果你跟足步驟。但唯一缺點是烤焗的時間較長，電費貴😝😜！ 蛋黃 3隻 蛋白 3隻 低筋粉 45克 （我用ALL PURPOSE FLOUR） 白糖 35克 植物油 35克 （我用牛油果油，不要用香味重的油） 牛奶 30克 鹽 1茶匙 天然雲尼拿香油 1茶匙 （可以不加） (1) 預熱焗爐至150C/300F。 (2)  塗一點點油在7寸圓形烤盤內，再放牛油紙。 (3) 先把麵粉過篩。 (4) 將油倒入玻璃量杯內在微波爐加熱40秒。 (5) 馬上加入麵粉快速拌勻直到沒有夥粒。 (6) 加入冰凍牛奶拌勻再逐一加入蛋黃拌勻。 (7) 在另一個大碗內， 將糖分三次加入蛋白內，用電動攪拌機打到soft peak狀態 (不要過份打發)。 (8) 將1/4蛋白拌入蛋黃麵糊內，輕輕拌勻。然後倒入剩餘的蛋白糖霜內慢慢輕手拌勻直至完全融合。(不要過份攪拌)。 (9) 把蛋糕麵糊倒入烤盤內， 再放入一個較大和注入1/2熱水的烤盤內。 (10) 150C...
閱讀更多

不敗唧花咖啡牛油曲奇

圖片
好耐之前，有朋友係香港帶咗一盒珍妮熊仔曲奇俾我，我就愛上咗咖啡牛油曲奇。之後不停去搵食譜試吓自己整，都試過好多伏嘅recipe, 例如，焗完啲花紋唔見晒，牛油味太重，太油淋淋，太鬆太散但無我喜歡嘅又鬆又脆。呢一個recipe 唔係好似Jenny's cookie 咁鬆散，但佢都好香濃，又鬆又脆又牛油味唔過重，算係我試過咁多個recipe最適合我口味，仲有，佢啲花紋係唔會走嘅，焗完都係咁靚。 材料： [做到20塊] 牛油 (室溫放軟） 150g 糖霜 65g 高筋麵粉 62g 低筋麵粉 112g 鷹粟粉 25g 杏仁粉 20g 咖啡液 ( 咖啡粉 10g + 熱水 10g) 牛奶 (optional) 1 tbsp - 1.5 tbsp 做法： (1) 牛油切細塊放係室溫放軟。 (2) 將高筋麵粉，低筋麵粉同埋鷹粟粉混合備用。 (3) 預備咖啡液，如果覺得仲有結塊，可以放入微波爐叮20秒。放涼備用。 (4) 待牛油軟化後 (手指容易壓下），用mixer 開高速打到變淺黃色 (1, 2分鐘即可），加入糖霜，先用spatula 拌勻以防飛粉，再用mixer 開高速打到有少許膨脹，更淺嘅淡黃色即可。約1,2分鐘。 (5) 加入咖啡液，用mixer 拌勻即可。 (6) 加入其餘粉類，用mixer 慢速拌勻，之後用spatula 輕輕壓，等麵團吸收好牛油。如果覺得稍乾，加入少少牛奶 (我今日加咗1.5 tbsp 牛奶）拌勻。 (7) 預熱焗爐285F。 (8) 放入唧花袋，我係用10角唧花咀唧2.5層。 我建議Tinry 老師嘅 牛油曲奇唧花教學 ，我學到好多不同嘅花款同技巧。 (8) 焗40分鐘。之後移上架放涼。 我上面加一粒朱古力粒係optional 嘅，我整俾老公嘅西人同事，所以糖分我多加15g,再加多粒朱古力懶靚😅😅，同埋可以甜少少。如果俾亞洲人食我絕對唔會加。🤩
閱讀更多

腸仔包

圖片
麵團我係參考師兄Eric 嘅  超軟熟百搭甜麵團 ，再因應屋企有嘅材料而作出少少嘅調整。 高筋麵粉 - 250g 湯種 - 55g 蛋漿 - 105g (約兩隻中型蛋） 一號細沙糖 -  40g 牛奶 - 45g 速發酵母 - 1tsp (5g) 鹽 - 2g 牛油 -  25g 腸仔： Johnsonville 芝士腸 以上麵團嘅總重量係506g: 我分咗9個包➡️56g each 4 x 做腸仔包 5 x 朱古力乾果小餐包 操作後感想/注意事項： - 呢個麵團偏濕潤，下次試下少啲濕嘅材料 - kitchenaid 操作步驟： 1. 奶+酵母先混合，拌勻，備用 2. 其餘材料加入kitchenaid 嘅碗中，用dough hook "STIR" 大約3分鐘直至拌勻 3. 加少少奶mixture, "2"度。完全吸收後，再加少少奶mixture. 直至完全吸收。呢個步驟需時大約3分鐘。 4. 準備25g 牛油，切開細細塊。 5. 用"4"度打麵團直至薄膜（有手指篤穿會有少鋸齒出現），約8分鐘。 6. 慢慢加入牛油，用"2"度打。每次加牛油都要等牛油全部俾麵團吸收先再加，直至加晒為止。大約3分鐘。 7. 用"4"度打麵團5分鐘。 8. 停機。麵團收圓➡️進行第一次發酵60分鐘 - 腸仔一定要抹乾，最好先放室溫。 - 350F 20分鐘 - 將啲麵團翹落條腸仔度要隔開啲，今次太埋，所以焗完出黎無咁明顯嘅一圈圈。 - 最後造型時，用少少油代替手粉容易啲操作，無咁黐手。 Update: 師兄Eric係我instagram 指點我，佢建議我縮短最後發酵時間 (after 造型）至25分鐘。早啲入爐可以保持住個型。另外，翹腸仔可以翹鬆啲，唔好咁緊。多謝師兄提點。
閱讀更多