我今次好似醒目咗!

琴晚我同勞子又因爲搵工，見工嘅事而嘈，輕微程度啦！ 佢同我講佢想點樣去同僱主Negotiate嗰人工，我俾咗啲我嘅意見佢，同埋建議佢搵輝哥，佢就馬上唔開心黑面，覺得我唔support佢嘅諗法，唔相信佢。佢話佢自己做咗好多research, 知道係點同僱主negotiate. 我根本無話唔Support佢，我講我嘅意見，佢可以唔贊同，可以冷靜啲同我講佢覺得網上啲求職website啲人講嘅tips好有用，洗乜唔開心？洗乜黑面呢😡😡😡？

佢時日都係咁，口噏噏就話自己最open-minded, 鍾意意見，佢時日話啲耶L封閉，萌塞，唔肯接受新意見，佢咪一樣？！ 佢要所有人Buy佢，一唔buy佢就黑面，時日係啲Fb page留啲批評性嘅言論，佢鍾意佢挑釁人，但就唔接受到人去俾意見。我覺得佢個人根本就唔係講道理嘅，唔係理智嘅，你一持相反意見，表示懷疑，佢個情緒會好快飆升，之後佢所講嘅嘢就無邏輯，完全係佢個人覺得係點就點，佢會可以變得「Long黎」, 黑變白，白變黑都講得出。

好多時我唔抵得佢咁就會同佢爭辯，於是我哋嘅爭執會越黎越激烈，之後由一粒火花變做山林大火，一發不可收拾。但係，要讚一讚佢，佢好多時都會識停識氹番我，咁個火又會慢慢細番。我係仲未識做到由我去收，令火勢唔可蔓延落去。我係開始仲係火花，小火嘅時候仲可以好理智同佢繼續分析，但一到佢「long黎」，無理挑釁嘅時候，我就好似俾人點咗火水咁，「含」一聲我啲火💥💥💥就燒都吧吧聲!

佢第二次嘗試想繼續同我傾之前見工嘅問題，我一開始發現佢又有情緒，又固執嘅時候，我就嗌停啦！ 我識停!! 因為我唔想再嘈! 好彩佢都Okay, 察覺自己好似over咗，佢都欣然接受我call off.

我知佢今日見工佢有壓力，佢知道佢係新移民黎溫哥華，佢知道第一份工會難，佢知道佢冇bargain power, 無籌碼去negotiate. 但佢心入面又有佢嘅呎，佢覺得佢個市場價/身價係咁多，佢覺得要自降身價，心唔係好接受到。我明，但係馬死落地行，人要能屈能伸。我諗佢都明，所以佢好大壓力。

佢琴晚瞓得唔好，仲要瞓瞓吓突然好大力咁揼我，我嚇醒咗推開佢，佢再想再揼嘅時候我喝著佢。

(佢迷迷糊糊)
我: 做乜呀！你揼我呀！
佢: 咁有人襲擊我嘛！
我：有人襲擊你你都唔洗揼我吖？ 你而家揼我啊！
佢： (發脾氣) 咁對唔住又“囉”！ 我俾人襲擊嘛！

跟住，我唔出聲另歪面。佢發晒脾氣咁另埋一面瞓。我好嬲，係你揼我啊！點解好似係我錯咁，你發夢俾人襲擊，咁你揼我就得啦？ 你殺咗我都得啦咁？ 你發夢俾人追殺，於是殺咗我再同個法官講因為你發夢俾人追殺，你睇個法官會唔會判你無罪釋放？！ 大哂呀？! 我好嬲好嬲搞到我瞓唔著，但佢就瞓到豬咗。我不停係度祈禱，問神我可以點，佢今日要見工，我唔想影響到佢心情。但我又好嬲。。。諗咗好多個scenarios打算今朝點對佢，不停祈禱。。。之後就瞓着咗。

今朝起身，都冇咁嬲。掛住焗麵包。佢起身啦。我都冇諗咁多，佢好sweet咁叫咗我一聲，就過黎話攬攬。我都冇事，話我焗緊麵包俾佢食。咁就無事啦！ 咁就大家開開心心啦！佢又無唔開心! 我係咪叻左呢？ 我冇嬲佢呀！ 冇搞到大家面阻阻啊！ 今次我自覺我醒目咗!!!!! 要俾個LIKE自己!!!!😄😄😄😄😄